ЈПКД „Комуналец“ од Струмица рачно и со механизација го чисти главниот поројски канал во градот, кој поминува долж улицата „Крушевска Република“.
Екипите на јавното претпријатие вршат чистење од треви и разновиден отпад.
Во делови од каналот се вадат наноси од песок и чакал, кои се наталожија по обилните врнежи во изминатиот период.
Од ЈПКД „Комуналец“ апелираат до граѓаните кои живеат покрај Поројот, отпадот да не го фрлаат во каналот и истиот да го пријават во јавното претпријатие од каде ќе биде подигнат.