Продолжуваат превирањата во владеачката ДУИ. По Арбен Лабеништа, кој даде оставка од заменичкото место во Министерството за одбрана и од сите партиски функции, незадоволен од тоа што партиското раководство се уште не се дистанцирало од Владата на Никола Груевски, и организациониот секретар на ДУИ, Хазби Лика ја напуштил оваа висока партиска функција.
Според Лика, мнозинството од членството на ДУИ, по објавувањето на бомбите на СДСМ, бара ДУИ да се дистанцира од Владата.
Партиски извори, велат, дека е можен нов бран оставки од неколкумина пратеници.
Мухамед Зекири-уредникот на Алсат-М, ја поздрави одлуката на Лабеништа, а по оставката на Лика напишал – Ова продолжува, Кој е следен?