„После исходот од преговорите и целосното фијаско на актуелното раководство на ВМРО ДПМНЕ и нивното ретерирање од почетните ставови, Форумот на слободоумни патриоти сака да ја искаже својата загриженост од дволичната политика која ја води актуелното раководство на партијата, како и загриженоста од дијаметрално спротивните изјави дадени само во рок од неколку дена. Многу некоректно и нечесно е да држиш “патриотски говори” пред своето членство и со самото тоа да создаваш општествена тензија од една страна, па преку ноќ да го менуваш своето мислење и да ставиш свој потпис на работи за кои претходно си тврдел дека нема или може да се случат, ама без ВМРО ДПМНЕ, од друга страна.
Јавно го прашуваме раководството на партијата: Дали го имате изгубено компасот и вашето политичко делување е само во рамките на вашите лични интереси? Дали сте свесни дека со вашите лоши одлуки и лоши говори само дотуравте масло на огнот и ја разгорувавте нетрпеливоста помеѓу граѓаните? Зошто толку време не држевте во заложништво кога на крај сакале или не го прифативте исходот за кој се знаеше дека е неминовен?
Форумот на слободоумни партиоти сака да му укаже на актуелното раководство дека уште од формирањето на партијата, ниту едно партиско тело на ВМРО ДПМНЕ, а камоли највисокото раководство своето делување на го темелело на тесни лични интереси на групи и поединци, кои како што можеме да видиме се на директна штета на партијата, Македонскиот народ и држава.
Зошто во немоќ да ја оправдате сопствената неспособност, неуспеси и политички дилетантизан се криете позади народот? Дали не е време некој да сноси одговорност за лошите одлуки и лошата стратегија со која ВМРО ДПМНЕ ги поминува овие тешки мигови? Дали не е време за вонреден Конгрес и темелни промени во актуелното раководство кое и нанесе непоправливи штети на партијата и државата? Дали не е време ВМРО ДПМНЕ да се врати на вистинските вмровци и на принципите врз кои е формирана“, се вели во соопштението на Форумот на слободоумни партиоти.