Фронтот на народот, Фронт за Македонија денеска преку соопштение го осуди вчерашниот физички напад врз граѓанин, пензионер кој синоќа беше нападнат во обид да праша за причините за блокадата во центарот на Скопје од страна на опозицијата.
– Обидот со тупаници да се замолчи народот е обид да се сруши демократијата. Ние се ставаме во одбрана на народот, на недолжниот пензионер на кого со тупаници му објаснуваат зошто се излезени на улица. Она што не им успеа во понеделникот, кога ги прескокнаа барикадите и тргнаа да се пресметуваат со нас, обичните граѓани го направија вчера. Тие физички се пресметаа со недолжен пензионер. Но, пораката е, секој кој пробал да тепа народ, се соочил со народ, стои во реакцијата од ова здружение.
Фронтот за народот воедно со апел до сите одговорни субјекти и политичари без оглед на нивната партиска припадност да го осудат, како што велат, срамниот чин на демонстрирање јавно насилство.