Здружението „Фронт на народот, фронт за Македонија“ го повикува потпретседателот на СДСМ Зоран Заев да понесе политичка одговорност за изјавата во телефонските снимки што се појавија во медиумите.
– Тој кажа дека во наредниот период во Македонија ќе се пука, а исто така откри и други работи кои ги планира СДСМ за време на локалните избори во март. Таквите зборови не му личат на еден политичар кој секојдневно ни зборува за демократија. Со ваква реторика не смее да се служи ниту еден политичар во оваа земја, се вели во соопштението.
Здружението прашува дали со изјавата на Заев се праќа порака до македонската јавност дека треба да се живее во страв и дека се најавува крваво сценарио од страна на СДСМ.
– Очекуваме од Зоран Заев, по ваквата срамна изјава, да се повлече од секакво дејствување во политиката и да си даде оставка од сите функции што ги извршува, се наведува во соопштението од здружението.
