ВИДЕО: ФРОДЕМ и дел од реформаторите формираат фракција во ВМРО-ДПМНЕ

Од:

ФРОДЕМ и членови на внатрепартиската иницијатива за реформи во ВМРО-ДПМНЕ најавуваат дека ќе настапуваат како фракција во ВМРО-ДПМНЕ. Целта на ваквиот начин на делување е, како што велат, да ѝ се помогне на партијата да стане вистинска и реална опозиција, а не фиктивна која ќе има свои конкретни ставови, принципи, идеологија и политики и за најкратко можно време со ново и демократски избрано раководство од членовите на партијата, да се врати како победник на политичката сцена.

„Причина повеќе за јавно дејствување како фракција е фактот дека ова наметнато раководство сè уште е во закрила и во стегите на поранешните партиски фунционери без разлика на јавното глумење за некаква реформа и демократизација. Од тоа нема ништо. Доказ е последниот конкурс за избор на претседатели на општинските комитети на партијата, по сосема ист терк како сите досегашни“, вели Љупчо Алексовски од ФРОДЕМ.

Ѓулистана Марковска, пратеничка од првиот парламентарен состав од редовите на ВМРО-ДПМНЕ, побара јавно од претседателот на ВМРО-ДПМНЕ, Христијан Мицкоски, да го промени статутот како што најавувал при неговиот избор со кој ќе се овозможи незадоволните членови во партијата да можат да делуваат како фракција.

„Ние сме членови на ВМРО-ДПМНЕ, не сакаме да нè третираат како друга политичка партија, но ќе делуваме како прва и официјална фракција на ВМРО-ДПМНЕ“, рече Марковска.

Таа не кажа колкава бројка на луѓе стои зад инцијативата, но порача дека меѓу незадоволните членови од сегашното раководство на ВМРО-ДПМНЕ има и пратеници.

Би можело да ве интересира

Здравковски: Охрабрувачки е фокусот на Владата кон младите

ВМРО-ДПМНЕ: СДС и Филипче го враќаат Жерновски во раководните структури

ВМРО-ДПМНЕ: Во отсуство на реална политика и аргументи, СДС продолжува со растурање на пердуви во јавноста

НСДП: Една година владеење на ВМРО-ДПМНЕ, една година лажни ветувања и изневерени очекувања

ВМРО-ДПМНЕ: Кога ќе прозбори Филипче, се шири мирисот на стариот режим на Заев

Демири: Над 70% од граѓаните живеат со под 500 евра плата месечно, тоа е понижување