Градоначалникот на општина Центар, Андреј Жерновски, заедно со родителите, наставниците и директорката денеска ја фарбаа фасадата на ОУ Гоце Делчев.
Спортската сала во ОУ Гоце Делчев е веќе завршена, поставени се 2 коша, 2 гола, префарбана е оградата на училиштето и поставена е урбана опрема. Готови се двете игралишта, 1 за фудбал, 1 за кошарка, а во план е и отварање на одбојкарски терен.
Жерновски беше и во ОУ Јохан Хајнрих Песталоци, каде финишира реконструкцијата на ракометното и фудбалското игралиште. Се поставува нов асфалт и нови голови за фудбал и ракомет.
Спортските објекти во овие училишта беа руинирани.
ОУ Коле Неделковски ќе добие ново фудбалско игралиште со вештачка трева.
По 58 години сменети се подовите во ОУ Димитар Миладинов. Подовите во 24 училници се сменети со помош на УСАИД, а 6 со средства на О. Центар.
Пред самиот старт на учебната година, утре(недела), градоначалникот Андреј Жерновски ги повика на средба директорите на 7-те основни училишта на територија на општината, за да реферираат дали е се подготвено за првиот училишен час.