И на минус 16, атмосферата беше вжештена на Сквер Јадран. Ја загреваа ДНК и С.А.Р.С., но вистинска експлозија беше настапот на легендарниот рок-бенд Ван Гог.
Познатата „Некој те има вечерва“, центарци, но и сите граѓани, кои одлучија Новата година да ја дочекаат токму тука, го означи стартот на 2015-та година.
Првата честитка со желба за поубави и посреќни моменти беше од градоначалникот Андреј Жерновски. Потсети на зборовите на Игор Џамбазов, кој настапи претходната вечер: Од минус ќе направиме плус.
Во релаксирачка и празнична атмосфера на Сквер Јадран, сите уживаа. Велеа ова е вистинскиот избор и за дочекот на нешто ново, во кое сите веруваме и од кое имаме големи очекувања.
