Започнаа активностите околу подобрување на патната инфраструктура во Тетово. Денеска се реконструираше булеварот „Маршал Тито” во централното градско подрачје.
„Поголемите ангажмани околу подобрувањето на состојбата на патиштата во Тетово започнуваат токму од оваа улица, а со истото темпо активностите ќе продолжат и во следниот период“, изјави градоначалничката Теута Арифи.
Откако ќе заврши реконструкцијата на булеварот „Маршал Тито“, ќе се започне и со спроведување на планираното зонско паркирање, најавија локалните власти.
Поради тоа, во изминативе денови низ градските улици забележани се и редари, кои се задолжени возачите да ги подготват за новиот начин на паркирање.
Г.М.