„Пред два дена во Собранието на Република Македонија бев сведок како власта не тепаше, како газеа и влечеа жени, како новинарите на сила беа избркани од галеријата на собранието. На дело ја видов и почуствував раката на диктаторот, беа повредени пратеници, Бендевска се жалеше на болки во главата и нозете, Билјана Казанџинска во стомакот, Митре Велјановски го извадовме на раце и го однесовме кај собранискиот доктор од пред сала 1“, рече Менде Диневски.
На сето тоа, вели, пратениците на власта или мирно гледаа или се правеја дека не гледаат. За жал локалната власт денес наместо да ги осуди и да се огради од постапката на Груевски, на Јанкуловска, на Трајко Велјановски, тие останаа слепи послушници на нивните постапки. Затоа сме денес тука да го охрабриме народот и да го повикаме да ни се приклучи во битката за победа на оваа диктаторска власт. Македонија заслужува да биде демократска земја.