Неасфалтирани улици, диви депонии, неоранизирано собирање смет. За улично осветлување плаќаат, а го немаат.
Ова е сликата на неготинското населено место Тимјаник. По снег и по лоши временски услови во ова денеска се увери засега единствената жена кандидат за градоначалник Силвана Филипова.
Горлив проблем за жителите на ова место е цената на грозјето, која никако да ја достигне висината од пред неколку години, но и неправилното делење на субвенции.
„Не може грозјето да се дели на црно и бело. Ги изедначуваат Мерлотот и Вранецот, а знаеме дека тие две сорти не раѓаат исто. Какви субвенции, денар ни земаат два ни враќаат и пак сме во загубa. “, се пожалија жителите на Тимјаник.
Она што ги мачи жителите е и невработеноста. Најголем дел од жителите се земјоделци а од земјоделие аир не гледаат, нема заработувачка.