По обилните дождови кои врнеа во Македонија, најголемата река, Вардар се излеа повторно кај Јагуновце во тетовскиот регион, бидејќи водостојот се искачил од вообичаените 60 на 63 кубици вода.
Од Управата за хидрометеоролошки работи информираат дека вообичаениот просек на водостојот на река Вардар во Скопје во овој период од годината е 102 кубици вода, денеска биле измерени 130 кубици.
Водата во Вардар под Камениот мост достигнува врвот на првите скали од кејот на реката.
Едната од двете скулптури Пливачки сосема е под вода, а втората статуа е потопена речиси цела, над водата ѕирка само главата на пливачката.
