Контрадемонстрантите што денеска се појавија на УКИМ да засадат дрвја, не само што беа придружени од вработени од „Македонски шуми“, кои со механизација правеа дупки за садниците, туку добија и сендвичи.
Околу еден час отако се појавија на УКИМ, дојде комбе полно сендвичи што им беа разделени на дел од студентите од Факултетот за физичка култура и од ФИНКИ. Тие денеска садеа дрвја, истовремено кога нивните колеги од Студентскиот пленум застанаа во одбрана на автономијата на Универзитетот, во процедурата за градење на две нови барокни згради што треба да бидат факултети.