Вработени од прилепската државна фирма Еурокомпозит денеска протестираа пред владата. Причина за незадоволството се неисплатените плати и немањето основни услови за живот.
Се пожалија дека веќе три години се без здравствено осигурување и поголем дел од колегите починале како резултат на стресот и неможноста да се лекуваат.
„Од почетокот на годинава ни се исплатени само 100 евра или за 100 дена по едно евро. Се живее ли вака“, изјави еден од вработените во Еурокомпозит.
Вработените рекоа дека патот до Скопје го платиле од свој џеб и затоа нема простор за политичко етикетирање.
