Денеска претставници од Општина Центар положија свежо цвеќе и се поклонија пред спомен бистата на македонскиот поет и револуционер Коле Неделковски.
Денеска се навршуваат 72 години од загинувањето на народниот херој Коле Неделковски.
На неговото дело, идеа и дејствување денес се потсетија претставниците од Сојузот на борците. Тие пред градоначалникот на Општина Центар Андреј Жерновски посочија дека револуционерната борба не смее никогаш да се заборави, како и делото на Коле Неделковски, кој својот млад живот го вгради во идеалите за слободна Македонија.
Му понудија сесрдна поддршка и помош на Жерновски.
„Симболично е што сте, Вие борците тука кога првачињата го започнуваат своето образование. Од име на сите генерации Ви се заблагодарувам за се’ што направивте. Вратите на општината се секогаш за Вас отворени“, рече Жерновски.
