Старата градинка „Кочо Рацин“ во Капиштец изградена далечната 1947 година, со азбестни цементни ѕидови, со мувла по ѕидовите, руинирани подови, искршени и стари креветчиња и кујна која одамна го ислужила своето, конечно замина во историјата.
-Општина Центар ги започна подготвителните работи и отстранувањето на стариот објект, по што ќе почне изградбата на нова, современа градинка, во која децата ќе се вселат во јуни 2015-та година. Сега 170 деца се сместени во 4 други клонови на градинките на територија на Центар, соопштуваат од општината.
Новата градинка во Капиштец ќе има 2000 м2, ќе биде на 2 спрата и ќе го зголеми опфатот на деца од 170 на 250.
Буквално се’ во градинката ќе биде ново, на сензор, ќе биде градена според стандардите за енергетска ефикасност, кујната ќе биде по ХАСАП стандардите, дворот ќе биде збогатен со 40 високо стеблести дрвја, ќе се реконструира детскиот брод, а за децата ќе бидат набавени нови, квалитетни играчки, соопштуваат од општина Центар.
За новата градинка општина Центар издвои 112.000.000 денари од новиот буџет.