Утринава околу 5 часот падна потпорен ѕид во дворот на детската градинка „Кочо Рацин“ – клон Панорама.
Потпорниот ѕид се одвои од земјиштето поради обилните врнежи.
Овој потпорен ѕид беше потенцијална опасност бидејќи немаше лежиште, а и дебелината на потпорниот ѕид беше 15-20 см, недоволна за да може да го задржи земјиштето.
Она што е најстрашно – ѕидот паднал во дворот каде што вообичаено си играат децата од градинката. Среќа во несреќа е што ова се случило во раните утрински часови, кога децата сеуште не биле пристигнати во градинката.
Оштетени се детски реквизити и електричната мрежа за улично осветлување во градинката.
Потпорниот ѕид е граден пред околу десеттина години и покрај низата негодувања и реакции од поранешните жители дека не е изведен соодветно и дека градењето на огромни зданија без соодветна заштита може да доведе до големи несреќи.
Оваа опасност демнее и на неколку други локации, каде што се изградени големи зданија, каде што може да се предизвика уште поголема катастрофа со лизгање на земјиштето и можност за појавување на свлечиште.
Дозволите за овие огромни хациенди на Водно без никаква дозвола ги издаваше претходното раководство, а усвоените ДУП-ови ги одобруваше Виолета Аларова.