Градоначалниците на општините Босилово и Василево, Љупчо Колев и Ванчо Стојанов, ширум ги отворија вратите на општинските згради за партиските цели на ВМРО ДПМНЕ.
Со ова, ВМРО ДПМНЕ и јавно признава дека партијата и државата е едно исто. Општините во кои власта е нивна, целосно се ставени во функција на партијата. За ова и јавно се фалат со фотографии објавени на социјалните мрежи.
Деновиве во општинските згради, односно, во салите каде што се одржуваат седници на Советите во Василево и Босилово, се одржале состаноци на Даниела Рангелова, пратеник и претседател на Унија на жени на ВМРО ДПМНЕ со општинските комитети на Унијата во овие две општини.
Покрај жените на состаноците присуствувале и градоначалниците.