„Ве информираме дека од земјотресот во 15.25 часот има настанато штета во одделни куќи во Галичник. Би било пожелно сопствениците на куќите да ја проверат состојбата на истите и доколку има настанато штета, штетата да се пријави на надлежните институции,“ велат од Месната заедница Галичник.
Земјотресот со магнитуда од 4.8 степени беше со со епицентар во Кичево, според интернет сервисот „Earthquake“.
Ова е втор земјотрес по јачина, по утринскиот кој беше со магнитуда од 5.5. Попладневниот земјотрес се осети во повеќе градови ширум државата, меѓу кои и Скопје.