Oтпорот вечерва продолжи во Прилеп. Неколку илјади прилепчани, храбро, гордо и достоинствено излегоа на улиците и во еден глас порачаа дека овој диктаторски режим мора да падне.
Прилепчани повторно како и многу пати во историјата храбро се борат за слободна и демократска Македонија. Земја во која власта ќе се плаши од народот, а не народот од власта.
„Цврсто сме решени да го турнеме режимот на Груевски. Одиме до крај, запирање нема“, велат прилепчани.
Граѓаните го започнаа маршот во 18 часот од булеварот Гоце Делчев во Прилеп, поминаа покрај Судската зграда, споменикот на Бранителите загинати кај Карпалак и продолжија по булеварот.
Говорници беа Влатко Ристевски од Иницијативата АМАН, пратеникот на СДСМ Горан Сугарески и лидерот на СДСМ Бранко Црвенковски.
Фото: sky.mk