„Им нема крај на нападите врз Охридското Езеро. Загрижувачки фотографии од Албанија ни испрати наш сограѓанин. Силен проток од запенета вода се влева директно во езерото кај с. Дрилон (во близина на граничниот премин Свети Наум).
Дали ова загадување е постојано или периодично како резултат на неодговорно однесување на некого, останува загатка.
[nggallery id=67]
Фотографиите се од вчера, 17 ноември, 2012 г. Веднаш реагиравме по електронски пат до општина Поградец и го чекаме нивниот одговор. Ги повикуваме и надлежните да реагираат до албанските колеги заради спречување на понатамошни последици“, се вели во реакцијата на Еколошко друштво Грашница – Охрид.
