Градоначалникот на општина Струмица, Зоран Заев, денеска наполни 40 години. Најголемо роденденско изненадување му приредија младите струмичани. Ноќта по полноќ, поголема група млади, импровизирајќи работа на улица, му го блокираа влезот во Струмица на градоначалникот Заев, при неговото враќање од пат.
Кога градоначалникот излезе од автомобилот за да види што се случува, го чекаше изненадувањето. Неговите верни поддржувачи, младите струмичани, му ја испеаа роденденската песна, поклонувајќи му торта и колаж од негови фотографии, од најраната детска возраст до денес, и му посакаа добро здравје, среќа и натамошна успешна работа.
Градоначалникот Заев им се заблагодари на младите за прекрасното роденденско изненадување и им посака среќна иднина.
