Кандидатот за градоначалник од коалицијата предводена од СДСМ Миле Андонов денеска потпиша меморандум за соработка со стечајните работници во Кочани.
– Ги прифаќам во целост нивните барања при што се обврзувам откако власта ќе ја добие коалицијата „Сојуз за иднината“ да задоволам мал дел од нивните барања, а тие се однесуваат на ослободување од плаќање до десет метри кубни месечно вода за пиење, да се наплати половината од износот за исфрлање на смет и целосно ослободување од надоместокот за јавна чистота, истакна Андонов.
Андонов ги отфрли обвинувањата од својот противкандидат Ратко Димитровски за плагијат на неговата изборна програма, бидејќи, како што рече, тој треба да прави разлика меѓу пишувањето и печатењето на програмата.
