Вчеравечер кандидатот за градоначалник на Град Скопје, Јани Макрадули оствари средба со граѓаните на Општина Чаир.
Покрај локалните проблеми кои ги истакнаа, како уништувањето на парковите и зеленилото за локалната власт да издава градежни дозволи, граѓаните најмногу се загрижени за притисоците и уцените со кои се соочуваат.
Изразуваат огромна загриженост за нивните најмили кои се почесто се исселуваат и ја напуштаат државата и бараат спас надвор. Животот им станува се поскап а и од работа често се испуштаат заради притисоци од страна на власта.
Граѓаните немаат ни за огрев и лекови и се изреволтирани од цената на парното како и укинувањето на евтината струја.
Задоволни од посетата и непосредниот однос кој во континуитет го практикува, Макрадули вечерта продолжи во посета на едно Чаирско семејство.