Убавото време денеска измами стотина граѓани да уживаат во чистиот воздух и сонцето на Водно. Но она што се случи на враќање, ги изреволтира.
Деца, возрасни лица, сите заглавени во колоната возила која се создаде на патот кон Скопје.
И наместо полицијата да направи ред и да ги казнува оние кои го узурпираа патот и се паркираа незаконски, направи уште поголем метеж.
Не сакајќи да види дека и по цел час се чека, за да се привижи колоната, полицијата мирно набљудуваше и ги стопираше и казнуваше возачите кои немаа сигурносен ремен.
„Си ја полните празната каса? Колку казни имате денеска за задача да напишете“, извикуваа нервозните возачи, кои беа „ловени“ од полицијата, бидејќи чекајќи, некој се „дрзна“ да го откопча ременот.
