Третиот ден од протестите на Опозицискиот блок се чини дека беше најмасовен досега.
Ако првиот ден бројката се движеше помеѓу 200-300 излезени граѓани, а вториот бројката се искачи на околу илјада и петстотини, се чини дека за излезеноста во третиот ден може да се зборува за бројка од 2.000 – 3.000.
Третиот ден на протестот во голем број излегоа и стечајците од Општина Кочани.
По завршувањето на одреденото време за протест, долгата колона мирно се упати по улицата „Кеј на Револуцијата“ па преку мостот кај „Шопинг Центарот“ и триаголникот, по улицата „Димитар Влахов“ се вратија кај „Шопинг Центарот“ по што мирно се разотидоа.
