Со паролата “Shqipri Ethnike” или „Етничка Албанија“ утрово осомна охридскиот брод „Македонија“. Зборовите се испишани со големи букви и со црвен спреј, а бродарите велат дека најверојатно оваа порака е испишана деновиве иако ја забележале дури денеска.
Паролата е испишана од задната страна на бродот, и кај минувачите истата создава голем револт. Неодамна имаше обид за поставуваење на албанското знаме и на Самоиловите тврдини, но не беше дозволено.
Инаку бродот „Македонија“, гордоста на охридската флота и на охридското бродарство е изграден во првата половина од минатиот век во бродоградилиштето Смедерево, во Србија.
[nggallery id=94]
Негов прв сопственик бил познатиот охридски трговец, Боро Фортомар. За време на втората светска војна бил потопен во близина на Горица, а по ослободувањето бил изваден и реновиран.
Бродот во изминативе години за своите потреби го користеле неколку јавни претпријатија, а последни сопственици на бродот се двајца охридски бизнисмени. Бродот во текот на летниот период се користи за туристички крстарења околу езерото