Фонтаната на градскиот плоштад во Штип, за која беа потрошени 15.000 евра, ќе биде пренаменета. Градоначалникот Илчо Захариев,одлучи нефункционалната фонтана да ја претвори во цветна градина.
Проектот за реконструкција на градскиот плоштад предвидуваше водата во новата фонтана да тече во водоскоци, но поради нестручната изведба ова остана само штипска илузија.
За фонтаната да проработи потребни се дополнителни 20.000 евра, средства со кои општината во моментот не располага, па затоа градоначалникот се одлучи за поевтината жардиниерска солуција. Сликата за градскиот плоштад ќе биде заокружена со поставување„постамент на генералот Михајло Апостолски“ во центарот на фонтаната.
Градоначалникот наместо да ја побара одговорноста за ваквата состојба на фонтаната, реши на штипјани да им ја подари најскапата жардиниера во државата.
