ФОТО: „Фамозната“ фонтана на градскиот плоштад во Штип повторно секна!

Од:

За реконструкцијата на штипскиот плоштад „Слобода“ беа издвоени 310.000 евра од кредитот што Општина Штип го зеде од Светска банка за проектот: „Реконструкција и санација на речното корито и изградба на платформи над реката Отиња“ , а изнесува 2.000.000 евра.

Според изјавата на Александар Арсовски од Одделението за Локален економски развој (ЛЕР) при Општина Штип дадена на 30 ноември 2011 година, во присуство на претставниците на Светската банка, Министерството за финансии и раководството на градежната фирма „Бетон“, реконструкцијата требаше да биде завршена во рок од четири месеци.

fontana-stip

Фонтаната, која е дел од идејното решение во проектот за реконструкција на градскиот плоштад, му создаде главоболка за изведувачот ГП„ Бетон“-Штип и го одложи предавањето во употреба на плоштадот за една година.

Фонтаната беше една од причините поради кои, во два наврати, на 28 септември 2012 и на 16 октомври 2012, комисијата за технички преглед не изврши прием на плоштадот од страна на ГП „ Бетон“- Штип.

fontana-stip1

И покрај шпекулациите што кружеа низ јавноста дека плочките се второкласни, а инсталацијата за осветлување на фонтаната е толку лошо поставена што ниту една фирма не се осмелува да изврши нејзино поврзување, сепак, на 19 февруари годинава, граѓаните на Штип беа пријатно изненадени. Низ фонтаната на градскиот плоштад успеа да протече вода, занемарувајќи го фактот дека висината на водоскоците ни одблизу не ја достигнува предвидената во идејното решение за кое беа издвоени средствата од кредитот земен од Светската банка за обновата на плоштадот.

fontana-stip2

Радоста на граѓаните не траеше долго. Само дваесетина дена подоцна фонтаната повторно секна.

Локалните власти молчат за датумот кога плоштадот и официјално ќе биде пуштен во употреба и за тоа дали од ГП „Бетон“- Штип ќе се бара одговорност поради многубројните пропусти во изведбата, кои се очигледни и за обичниот човек.

fontana-stip3

Граѓаните на Штип на шега коментираат дека проектот „Реконструкција на плоштадот“ светлото на денот можеби ќе го види на 15 март, кога владејачката коалиција има закажано митинг токму на овој плоштад.

Би можело да ве интересира

(ВИДЕО) Детали за убиството во Штип: Убиецот ја викнал жртвата за да се смират, пиштолот го купил во Скопје

Катерина Ѓуровски

ВИДЕО: Уапсен е убиецот кој вчера пукаше во кафуле во Штип

Катерина Ѓуровски

Почина студентот од Турција кој беше застрелан синоќа во кафуле во Штип

Катерина Ѓуровски

ВИДЕО: Се трага по напаѓачот од штипското кафуле кој и побегна на полицијата кај Миладиновци

Катерина Ѓуровски

Пукање во Штип, едно лице е повредено на градскиот плоштад во Штип

Предраг Петровиќ

Пеце Ристевски назначен за в.д. директор на штипскиот Центар за култура „Ацо Шопов“

А1он