Спортисти од 33 држави, вечерва го наполнија плоштадот во Струмица на свеченото отворање на 14 – то по ред Европско првенство во спортска ориентација.
Срдечно добредојде им посака и првенството го отвори градоначалникот на општина Струмица, Зоран Заев, кој е и покровител на овој шампионат.
Градоначалникот Заев ги врачи и наградите на победницитие на првата спринт трка што се одржа по улиците на Струмица, а во која учествуваа 405 натпреварувачи, во категоријата до 18 години во машка и женска конкуренција.
Европското првенство во спортска ориентација што се одржува во Струмица е најмасовно спортско натпреварување што досега се одржало во Република Македонија.
