Житомел Куманово беше фирмата која ја хранеше со леб и бели пецива најголемата општина во Македонија, Куманово и беше гордост на градот. До 2007-ма произведуваше леб, освен за Куманово, и за Крива Паланка, Нагоричане, Липково и дел од Скопје.
Денес, тоа е простор како во хорор филмовите, а се наоѓа во центаорт на градот, веднаш до Градскиот музеј.Некогаш граденото, сега е оштетено и напуштено. Фирмата е размонтирана пред очите на државата.
Претседателот на Советот на општина Куманово, Максим Димитриевски, го повикува Груевски да излезе од Потемкиновите села и да зачекори во реалноста.
Еве што напиша Димитриевски:
Оваа е само едно од НЕ – делата на ПРЕРОДБЕНИЦИТЕ од ВМРО-ДПМНЕ во Куманово…
Житомел Куманово, фирмата која ја хранеше со леб и бели пецива најголемата општина во Македонија, доживеа една контроверзна и сомнителна приватизација на која големите патриоти и економски преродбеници одговорија со реформа и нивно филмско истерување на правда и од фирма која активно работеше ја доживеја денешната судбина.
Денеска додека ги правев овие фотографии ми дојде една мисла во умот. Тито со нашите родители го изгради поранешното стопанство со лопата и крамп, денеска сите политички елити и по 25 години неможат се уште да го урнат изграденото ни со багер…
Значи ова го можеме само ние луѓето…
Нека ни служи на честа.
Груевски да излезе од Потемкините села и да зачекори во реалноста, како и да е денот се ближи, ќе даде отчет за СЕ…