Жени направија жив штит помеѓу демонстрантите и полицијата со цел да ги убедат да престанат да фрлаат со предмети кон Собранието.
Откако протестот беше официјално прогласен за завршен, сепак голем дел од демонстрантите останаа пред Собранието, а некои од нив фрлаа со пластични шишиња.
Жените активистки со кренати раце се наредени покрај железната ограда, тие довикуваат да престане да се фрла.
Останати граѓани се придвижија кон нив и скандиираат „Сакаме мир!“, односно се обидуваат да спречат инцидент кој го предизвикуваат уфрлени провокатори.