Денеска во 18:00 часот беше поставена блокада на крстосницата на улицата „Стево Теодосиевски“ во Кочани (Ленинова).
Имаше присуство на полицијата уште од почетокот на протестот. По изминати 10 минути автомобил Фиат Пунто кој беше паркиран пред толпата народ, го стартуваше возилото и со него влета во толпата луѓе и прегази една девојка.
Откако се случи овој немил настан луѓето истрчаа накај автомобилот и го блокираа да не повреди и други лица, лицето кое управуваше со возилото излезе од истото и почна да нафрлува погрдни зборови и се обиде да ја испровоцира масата.
Полицијата интервенираше и му ја одземаа возачката дозвола на лицето што управуваше со возилото.
Девојката која беше повредена се онесвести и беше однесена во градската болница.
