Три дена пред битолчани во месноста Боримечка во Битола ќе бидат изложени дел од моштите на архиепископот Мирликиски, св. Никола.
Битола е втор град на балканот, по Охрид,каде што доаѓаат моштите на св. Никола од црквата од Бари, Италија. Моштите во Битола доаѓаат благодарение на архимандритот на манастирот Свети Јован Бигорски, Отец Партениј и битолчани ќе можат да се поклонат пред нив во пресрет на денешниот празник посветен на преносот на неговите мошти од Мир, Ликија во Бари во 1087 година.
Отец Партениј вчера лично ги донесе моштите на местото каде што некогаш постоела црква што го носела името на светецот. По овој чин следуваше и литија низ дел од битолските улици, а потоа моштите на Свети Никола беа положени во истоимената црква во Боримечка.
