Во детската градинка „Кочо Рацин” на општина Центар веќе 49 години се инвестира во животот на малите деца, во нивното рано учење и развој.
Во градинката децата учат и преку игра и учењето го доживуваат како забава која претставува основа за развивање на нивниот целосен развоен потенцијал.
Колку повеќе квалитетно искуство ќе стекнат рано во детството,толку побрзо ќе и се развиваат.
Токму затоа со децата од 3 до 6 годишна возраст во сите објекти се реализираат проектни активности на одредени теми.
Во објектот „Наум Наумовски Борче” се реализираше проектот „Дрвото дар од природата” како дел од програмата-Интеграција на еколошката едукација во македонскиот образовен систем”.
Целта на проектот беше кај децата преку набљудување, истражување, решавање на проблемски ситуации и други содржини, прилагодени на детските развојни можности да се запознае природата како единствена книга која на сите листови нуди многу содржини.
Се она што децата го видоа и научиjа го изразиjа преку ликовни творби,драмски и музички со што се претставија пред бројните гости и родителите.И во иднина воспитно-згрижувачкиот кадар од градинката ќе продолжи активно да работи и да вложува во раниот детски развој, затоа што како што кажал Жан Жак Русо:” Воспитувањето на децата е работа во која мораме да знаеме како да го трошиме времето за да не го изгубиме”.