Активисти денеска напладне ја блокираа улицата пред Собрание, седнаа на столчиња, 123 на број и симболично на тој начин им порачаа на пратениците и на власта дека бараат поголема вклученост на народот во политичките одлуки и враќање на политиката во рацете на граѓаните.
Членовите на „Ајде“ пред Собранието на Република Македонија порачаа дека граѓаните се извор на суверенитетот и дека демократијата не е можна без активни, слободни и здружени луѓе. Претставниците на „Ајде“ истакнуваат дека се работи за неформална, но ораганизирана група слободоумни поединци со различни идеи и ставови, која сака да ги здружи расцепканите демократски сили во земјата.
„Ајде“ е платформа за граѓанска политика, која ќе вклучува разни здруженија и иницијативи со цел граѓаните повторно да станат главни чинители на политичките одлуки, ослободени од партиската поделеност.