Се е ставено во машината за изборна пропагадна во корист на владејачката ВМРО-ДПМНЕ.
Министрите во работно време одат од врата на врата и имаат средби со граѓаните, агитираат и градоначалниците.
Во текот на вчерашниот ден и денеска Аеродром е преплавен со летоци со повик да се гласа за ВМРО-ДПМНЕ бидејќи како што пишува со гласање за ВМРО-ДПМНЕ се гласа за доброто на Аеродром и на Република Македонија.
На летоците е потпишан градоначалникот на Аеродром Ивица Коневски, кој како и сите е избран да работи за доброто на сите жители на општината без разлика на партиската припадност.
