Министерството за култура информира дека во текот на вчерашниот ден од страна на националните телевизиски куќи, а по барање на Министерството, е доставена документација во врска со актуелните случувања меѓу организацијата ММИ и националните телевизиски куќи, односно допис испратен до телевизиите од организацијата ММИ.
Министерството за култура, стои во соопштението, формираше комисија која ќе направи увид на пристигнатата документација, по што јавноста дополнително ќе биде информирана за преземените мерки согласно со Законот за авторското право и сродните права.