Спасен Силјаноски по конфликтот на социјалните мрежи со градоначалникот на Кавадарци Митко Јанчев во емисијата „ONE WAY“со Агнеса Органџиева кажа дека не ги навредил сите во локалната власт со неговите ставови против настапот на српската пејачка Марија Шерифовиќ.
„Не сум навредил никој, критиката треба да ја прифатат објективно, навредата е обратна, кон нас музичарите и кон македонската музика, кон нашите доајени кои ја создавале музиката. Ако некој си ја има „мувата на капата“ може да се чувствува навреден сепшак зависи од перцепцијата на гледаност, не може да е навреда ако кажам сакајте си ја Македонија или слушајте ја македонската музика, јас не повикувам да се слуша грчка музика, српска, бугарска албанска или не знам каква. Не може да е навреда ако кажете вие сте Македонец слушајте македонска музика па повторно сакајте ја останата музика. Навредата ја сооздаваат тие коишто ја отсликуваат таа слика со нивните постапки и организациски неспособности“, рече Силјаноски.
На прашањето зошто српската естрада е секогаш актуелна вели :
„Затоа што имаат трачеви. Се гордеат со своите трачеви, ние имаме поголем морал, поголеми морални вредности поголема етика, зошто би се рекламирал јас со голотија, со блуд, недозволени средства. Во однос на пејачките, не се битни голотијата и танчерските способности“.