Претседателката на Европската комисија Урсула фон Дер Лајен оцени дека со усвојувањето на новата методологија на процесот на пристапување во ЕУ е испратена добра порака до Западен Балкан.
Добра порака за нашите пријатели на Западен Балкан за процесот на проширување на ЕУ.
Денес Европската комисија предлага веродостоен и динамичен план што ќе го постави патот за отворање преговори за пристапување со Северна Македонија и Албанија, напиша претседателката на ЕК на својот “Твитер” профил.
Good message to our #WesternBalkans friends about EU enlargement process: Today the @EU_Commission proposes a credible & dynamic plan paving the way for opening accession talks with North Macedonia & Albania (????). EU enlargement is a WIN-WIN situation. #geopoliticalcommission
— Ursula von der Leyen (@vonderleyen) February 5, 2020
Таа додаде дека проширувањето на ЕУ е „вин-вин“ ситуација.
Еврокомесарот за проширување Оливер Вархеји денеска во Брисел ја презентираше новата преговарачка методологија за земјите кандидати пред новинарите и пред европратениците.
Сакаме да ја вратиме кредибилноста на ЕУ перспективата за западниот Балкан, врвен приоритет е да имаме стабилност, мир и просперитет во регионот, рече еврокомесарот Вархеји.