„Дали Штерјо морал да ја продаде АЛФА ТВ во замена за неговата слобода по поништување на приватизацијата на Фершпед“, оваа дилема ја отвора неделникот Фокус.
Весникот пишува дека се погласни се муабетите дека Штерјо Наков не ја продал Алфа ТВ, затоа што сакал, туку морал да го подари неговиот дел, вреден 2,5 милиони евра во телевизијата за само 150.000 евра, во замена за слободата, со која, пишува неделникот, бил уценуван од власта.
Весникот објави дека „ЦХС инвест груп“ платила 150.000, а во Централниот регистар запишала 2,5 милиони евра. Со купување на уделот од 56,9 проценти, компанијата стана главен акционер и може самостојно да донесува одлуки самостојно. Телевизијата инаку е продадена пред 4 месеци, а газдата на фирмата, која во Скопје се основала само за оваа зделка, купување на телевизијата, е компанија регистрирана како офшор компанија на холандските Антили.
„Со пребарување на сопственоста, се доаѓа и до ликот на Веселин Јевросимовиќ, сопственикот на „Комтрејд“ од Белград, од неодамна половина газда на „Графички центар“, кој ги издава трите дневни весници, „Дневник“, Утрински весник“ и „Вест“, поранешни изданија на ВАЦ, а сега на Орце Камчев.
Фокус, написот го завршува со зборовите : За слободата на медиумите-напред!