Филмско бегство на штипјанец од полициска станица. Како што соопштија од полицијата, 19-годишното момче било приведено на распит поради сомневање дека е сторител на серија тешки кражби.
Штипјанецот без да знае дека набрзо ќе биде пуштен, бидејќи кривичната пријава против него ќе се процесуира во редовна постапка се обидел да избега.
Го искористил невниманието на полицајците и скокнал од терасата на првиот кат и почнал да бега.
Набрзо бил фатен од полицајците кои го однеле во болница поради лесните повреди на ногата.
Од полицијата велат дека против него ќе биде поднесена кривична пријава за серија тешки кражби.