Филипче: Жената се вакцинираше во тракторoт, оти не можеше да се симне и не сакавме да ја малтретираме

Од:

Министерот за здравство Венко Филипче, во врска со вчерашната објавена фотографија на социјалните мрежи, каде што неподвижна жена од беровско село прима вакцина во приколка од трактор, која предизвика големи негативни реакции на социјалните мрежи, се изјасни преку „Твитер“, со тврдење дека жената не била во можност да се симне од тракторот.

За да не се малтретира повозрасната жена, тврди министерот, медицинската сестра ја вакцинирала на лице место.

„Фотографијата на која медицинска сестра вакцинира повозрасно лице кое седи на трактор покрена дебата на социјалните мрежи, па сметам дека е добро јавноста да ја знае позадината на целата случка. Станува збор за брачен пар кој живее во планинските колиби, место над село Ратево, Беровско. Местото е тешко пристапно, а лицата кои се вакцинираат на сликите воопшто не побарале асистенција или превоз од локалниот Здравствен дом во Берово. Тие одлучиле самите да дојдат на вакцинација до пунктот и се појавиле на местото. На пунктот имало санитетско возило со фрижидер за теренска вакцинација и биле вакцинирани целосно безбедно, спротивно на тоа што сака да се прикаже во јавноста. Повозрасната жена бидејќи не била во можност да се симне од тракторот, за да не се малтретира, медицинската сестра се качила на приколката за да ја вакцинира. Јас сметам дека тоа е гест за поздравување, а не за осуда“, тврди Филипче.

Во понеделникот почна теренската вакцинација во земјава, каде што медицински тимови патуваат претежно во руралните средини и населби, а со цел да се вакцинираат што повеќе лица кои не се во можност да дојдат до вакциналните пунктови во здравствените домови во државата.

Би можело да ве интересира

Истрагите за модуларните болници не ги води Владата, туку задолжените институции на системот, порача Николовски

А1он

Трета доза вакцина за сите над 60 години, здравствените работници и за лицата со имунокомпромитирани состојби

Мери Јордановска

ВМРО ДПМНЕ: Лицемерието во СДСМ денес го достигна врвот

А1он

ВМРО ДПМНЕ: Власта се плаши од вистината, пратениците од СДСМ и ДУИ го одбија предлогот да се расправа за градбата на модуларните болници

А1он

ВМРО ДПМНЕ бара анкетна комисија која ќе ги утврди фактите и политичката одговорност за пожарот во тетовската модуларна болница

А1он

Митрески: ВМРО-ДПМНЕ се однесува нехумано, ја злоупотребува колективната тага за ситни политички поени

А1он