Министерот за здравство Венко Филипче утрово го посети пациентот, на кој му беше трансплантирано срце.
Синоќа, за првпат во нашата земја е изведена трансплантација на срце од починат донор.
Операцијата, која траела шест часа, ја направи тимот кардиохирурзи предводен од Сашко Јовев од државната кардиохирургија, Жан Митрев од Клиниката „Жан Митрев“, Александар Николиќ од „Ацибадем Систина“ и Маја Мојсова, анестезиолог од КАРИЛ.
Донор е 43 – годишна почината пациентка, а срцето е пресадено кај 54- годишен пациент. Семејството на починатата ги подарило и двата бубрега кои денес се пресадуваат кај двајца пациенти на Клиниката за урологија кои имаат хронична бубрежна слабост и со години биле на дијализа.