Претседателот на Социјалдемократскиот сојуз на Македонија, д-р Венко Филипче, во денешната изјава во крушевското село Јакреново, во одговор на новинарско прашање, рече дека граѓаните се свесни дека оваа влада не испорачува резултати а показател за тоа е падот на поддршката на ВМРО-ДПМНЕ за 140.000 гласови.
„ВМРО-ДПМНЕ и Коалицијата изгубија 140.000 гласови, кога се споредуваме со лани. Имено на ланските избори, СДСМ и тогашната Коалиција, имаа 152.000 гласови. Сега, за кандидати за градоначалници, имаа близу 158.000-159.000 гласови. Многу повеќе гласови, а на значајно помала излезност кога ги споредуваме изборите годинава и ланската година. Кога имаме кумулативен збир на тие гласови, некаде, на помала излезност, имаме ист број на гласови како ланските избори. А ако го гледате ВМРО-ДПМНЕ, со дополнителни нови коалициони партнери, други партии кои што лани беа со нас во Коалиција, ова година, за жал, ја напуштија нашата Коалиција, тие имаат 140.000 гласови и тоа е , помалку од лани. И тоа е нешто што е сериозен знак.“, рече Филипче.
Како што кажа Филипче, токму падот на гласовите за ВМРО-ДПМНЕ на овие локални избори е показател дека граѓаните се разочарани од политиките на власта, и политички сигнал од овие избори, а тоа е дека граѓаните се свесни дека владата на ВМРО-ДПМНЕ не испорачува.
„Граѓаните се свесни, дека оваа влада не испорачува, дека има многу лажни ветувања, дека не можат да се справат со проблемите, дека не излегуваат во пресрет на барањата на граѓаните, дека нема ниту една категорија на граѓани, која што е реално задоволна, ниту пак чувствува некакви позитивни политики од оваа влада“, рече Филипче.