Филипче: ВМРО-ДПМНЕ манипулира со бројките за смртност од коронавирусот

Од:

Министерот за здравство, Венко Филипче, објави графикони на кои е претставен процентот на смртност од коронавирусот во светот и кај нас.

„ВМРО-ДПМНЕ прави сериозна манипулација со бројките за смртност од коронавирусот и тоа е навистина загрижувачки. Не разбирам како може да се манипулира и политизира оваа бројка, но должен сум да ја споделам вистината. Не е точно дека смртноста од коронавирусот во земјава е највисока во регионот. Таа е исто така далеку под европскиот и светскиот просек“, напиша министерот Филипче на Фејсбук.


„Дополнително, кај нас за разлика од многу други земји, се зема постмортем брис на лицата кои починале со симптоматологија на болеста. Ова е одговорна стратегија затоа што на овој начин ги изолираме контактите на починатиот и превенираме понатамошно ширење на епидемијата. Ако од вкупната бројка на починати од ковид-19 се изземат позитивните резултати постмортем, стапката на смртност во земјата би била уште пониска.

Апелирам да престанат деструктивно да делуваат и да ја политизираат темата со коронавирусот. Здравствените власти транспарентно и навремено информираат од почеток на кризата. Сите информации кои ги објавуваме се точни, а статистиките се изработени согласно препораките на меѓународните здравствени институции“, напиша Филипче.

Би можело да ве интересира

Во Скопје 1.793 активни случаи на Ковид-19

А1он

135 заразени од коронавирус, четири лица починале

А1он

ОЈО Скопје поднесе 13 казнени налози за непочитување на здравствени прописи

Ана Ололовска

(ВИДЕО) Втор ден избори: Денеска гласаат 1.657 затвореници

Искра Манојлоска

МВР: Изречени 169 казни за неносење заштитна маска

Ана Ололовска

Половина од заболените минатата недела не пријавиле контакт со заразено лице

Кристијан Ландов