Филипче: Со Лазар Петров Демир Капија станува модерен винско-туристички центар во југоисточна Македонија

Од:

Претседателот на Социјалдемократскиот сојуз на Македонија, д-р Венко Филипче, на граѓанската трибина во Демир Капија, истакна дека со работа, визија и чесно управување, локалната власт предводена од градоначалникот Лазар Петров ја трансформира општината на подобро, во која секоја инвестиција е одговор на реална потреба на граѓаните.

„Два мандати со Лазар Петров и дела што се гледаат. Сработеното зборува за трудот, посветеноста и љубовта што се вложени во Демир Капија и секое село во општината. Кога ќе ги видите обновените улици, реконструираното училиште, детската градинка, новите паркови, канализационата мрежа и новата обиколница, јасно е дека тука не се ветувало, туку се работело”, истакна д-р Филипче.

Тој нагласи дека на Демир Капија и е потребен континуитет на веќе започната работа и на над 58 реализирани проекти: подобрена и нова инфраструктура, локален развој, развој на туризмот и создавање услови за младите да останат и живеат во својот град.

„Демир Капија ќе ја градиме, ќе ја развиваме и модернизираме. Ќе ја градиме со луѓе што знаат, што имаат волја и што работат — за народот, а не за фотелјата.
Лазар е градоначалник кој го реализира она што е ваш приоритет, а не на поединци. И ве уверувам дека така ќе продолжи, транспарентно, квалитетно и домаќински”, потенцираше д-р Филипче.

Филипче нагласи дека разликата помеѓу СДСМ и ВМРО-ДПМНЕ е во чесноста, отчетноста и грижата за граѓаните, потенцирајќи дека кадрите на СДСМ работат чесно и до план, заедно со граѓаните и за граѓаните.

„Кога се работи чесно и транспарентно, кога се мисли на народот, има резултати. Демир Капија денес е општина со нов лик, со развиена инфраструктура и подобрени услови за живот. Од новите патишта, канализациите и резервоарите за вода, до уредените паркови и јавни површини – се гледа дека градоначалникот Лазар Петров знае како да се грижи за сите”, рече д-р Филипче.

Како дел од новата програма на градоначалникот Петров претседателот на СДСМ, д-р Филипче најави неколку капитални и урбани проекти кои ја поставуваат Демир Капија во центарот на еколошкиот, туристичкиот и инфраструктурниот напредок на регионот.
„Со изградбата на современа пречистителна станица за отпадни води, нова автобуска станица, off-road патека за велосипедисти и мотори, како и прогласување на Демиркаписката Клисура за заштитено природно подрачје – поставуваме цврсти темели за зелена и одржлива иднината на општината,“ рече тој.

Дополнително, се најавуваат и проекти за уредување на крајбрежјето на реката Бошава во рекреативна зелена зона, отворање дневен центар за стари лица, адаптација на младинскиот креативен центар и програми за детска инклузија и поддршка на социјално ранливи семејства.

Филипче на граѓанската трибината порача дека Демир Капија мора да продолжи да се гради и развива како модерен винско-туристички центар на југоисточна Македонија и ги повика присутните на 19 октомври да го поддржат Лазар Петров и советничката листа на СДСМ.

„Број 5 за Демир капија која ќе биде “железна порта” за можностите за туризам, за нови инвестиции, за развој кој ќе ги спои културата, природата и економијата. Број 5 за чесна, одговорна и визионерска локална власт која се грижи за граѓаните, за нивните семејства и иднината на овој регион”, порача д-р Филипче на граѓанската трибина на СДСМ и Коалицијата „Се бориме за нашиот дом”, која денеска се одржа во Демир Капија.

Би можело да ве интересира

Филипче: Мицкоски да одговори зошто со законски измени се брише одредбата за уплата на 6% во вториот столб?

Бројките се немилосрдни и ги демантираат СДС, ДЗС вчера објави дека реалната нето-плата во септември пораснала за над 5%

СДСМ: Крпен живот, кошничката се доближи до 71.000 денари – само за храна се потребни 26.000 денари

ВМРО-ДПМНЕ: Филипче и СДС продолжуваат со лагите и манипулациите за Алта банка, овој пат јавната аукција сакаат да ја претстават како тајна зделка

Филипче на Конференција за проширувањето на ЕУ во Унгарија

(ВИДЕО) СДСМ со амандмани бара 2.500 денари повеќе месечно за студентски оброк и стипендии од 8.000 денари