Филипче: Само девет деца со коронавирус во градинките, главно се заразиле надвор од установите

Од:

За три недели, колку што поминаа од отворањето на градинките во земјава, вкупно 22 луѓе, од кои девет деца и 13 вработени во предшколските установи се заразиле со коронавирусот, соопшти вечерва министерот за здравство Венко Филипче на својата страница на Фејсбук.

„Само 9 деца во целата земја кои посетувале градинка од отворањето на градинките на 9 септември биле позитивни на коронавирусот, со лесна симптоматологија, а 4 се веќе оздравени. Вирус е регистриран кај 13 вработени од 311 објекти во земјата,“ пишува Филипче во објавата, од чиј тон се насетува дека министерот овие бројки ги смета за прифатливи.

„Епидемиолошките анкети на случаите во градинките укажуваат дека главно станува збор за пренос на инфекција надвор од установите. Ова покажува дека дека доследното почитување на протоколите во рамките на установата значи безбеден воспитно-згрижувачки процес за сите,“ додава министерот.

Филипче денеска, по консултативната средва со Комисијата за заразни болести, соопшти дека се анализираат последните податоци од епидемиолошките анкети по зголемениот број нови случаи на Ковид-19 во Македонија. Анализата треба на здравствените власти да им открие на кој начин се пренесува вирусот во последните денови, по што Комисијата евентуално ќе предложи воведување на соодветни дополнителни заштитни мерки, рече министерот.

Би можело да ве интересира

ЗНАМ: Филипче ти и твојот ментор Заев сте срам за сите чесни членови на СДСМ

Филипче: Парите на граѓаните мора да служат за јавниот интерес, а не за привилегии и лични уживања на власта

Андоновска: Луѓето на СДС и ДУИ во судството го спасија Филипче од одговорност за пожарот во модуларната болница, со тие кадри нема независно судство

Филипче: Тотална дипломатска изолација на државните претставници во ОН, се сѐ сведува на правење селфија со дипломати по ходниците

А1он

Уставните измени до 10 февруари, да не се прифаќаат дополнтелни барања од Бугарија – Филипче ја објави Резолузијата со црвените линии

Катерина Ѓуровски

Филипче: Мицкоски и ВМРО-ДПМНЕ го блокираа и доведоа Скопје во хаос

А1он