Филипче по средбата со Кос: Потребен е внатрешен консензус за евроинтегративниот пат на државата

Од:

Претседателот на СДСМ, Венко Филипче, по средбата со еврокомесарката за проширување Марта Кос, изјави дека поддршката од Европската Унија за евроинтеграциите на Северна Македонија е силна и континуирана.

„Имавме одлична и многу конструктивна средба со еврокомесарката за проширување Марта Кос. Оваа средба е доказ за континуираната, искрена поддршка која ЕУ ѝ ја дава на земјата на патот кон конечната цел – членство во Унијата“, изјави Филипче.

Тој нагласи дека СДСМ останува целосно посветен на европскиот пат како единствена реална опција за развој на државата.

„Сметаме дека тоа е единствениот начин на кој земјата ќе ги зајакне капацитетите и институциите, граѓаните ќе имаат подобра економска положба, ќе има вистинска реформа на правниот систем, и младите ќе може да ја бараат својата иднина тука, затоа што ќе имаат многу повеќе можности од тоа што го имаат сега“, додаде тој.

Филипче изрази загриженост за стагнацијата во евроинтегративниот процес и недостатокот на политичка стратегија и дијалог во изминатата година.

„Жалам што има стагнација на тој пат – некако отсуствуваат и стратегија, и политички дијалог, и за жал се отвораат веќе затворени прашања. Во таа смисла, побарав поддршка од еврокомесарката – и од неа лично, и од сите европски партнери – да се откочи нашиот евроинтегративен пат“, нагласи Филипче.

Тој испрати порака до сите политички чинители дека е време за единство околу стратешката цел – членство во ЕУ.

„Ова не е време ниту за калкулации, ниту за тесно и ситнопартиски интереси. Ова е време во кое секоја една партија треба да даде сѐ од себе за да продолжиме по патот на евроинтеграцијата, да се отворат поглавјата за преговорите, затоа што граѓаните тоа го очекуваат од нас“, порача Филипче.

На крајот, тој го повтори цврстиот став на партијата:

„И јас лично, и СДСМ, остануваме силни промотори на европската идеја кај нас.“

Би можело да ве интересира

Марта Кос: Членството на Украина во ЕУ е сигурно и нема да биде дел од преговорите со Русија

(ВИДЕО) Филипче за случајот АНБ: Наместо лов на вештерки, темелна истрага и декласификација

Немам добиено никаков документ, вели Мицкоски за предлогот на Филипче:

Горан Наумовски

Преговорите со ЕУ не може да се блокирани кога не се ниту почнати благодарение на СДСМ и на ДУИ, реагира Муцунски

Катерина Ѓуровски

Филипче: Очигледно е дека се конзистентни во тоа да нема преговори со ЕУ, а ние тоа нема да го дозволиме

Катерина Ѓуровски

Муцунски: Филипче од една страна зборува за уставни измени, од друга за откажување од преговорите ако има ново вето