Филипче: Лесната форма на болеста може да се лекува дома, но при влошување пациентите веднаш да се упатат на болничко лекување

Од:

При вчерашната посета на Институтот за белодробни заболувања кај децата – Козле, на новинарско прашање околу домашното лекување, Министерот за здравство доц. д-р Венко Филипче истакна дека и лесната форма на болеста може да се лекува во домашни услови, тоа секако треба да биде под контрола на матичен лекар, но при влошување на состојбата треба навреме и веднаш пациентите да се упатат на болничко лекување.

„Лесната форма на болеста може да се лекува во домашни услови под контрола на матични лекари. Но, многу е битно да знаат граѓаните дека и при најмало влошување на состојбата, по препорака на матичен лекар, пациентите треба да се јават во болница. Има болнички капацитети“, изјави Фипилче.

Филипче истакна дека огромен дел од смртноста кај заболените пациенти е заради тоа што доцна се јавуваат на болничко лекување и дури 50% од смртните случаи се по првите неколку денови од приемот во болница. Заради тоа е неопходно по влошување на симптомите, пациентите веднаш преку матичен лекар да се јават за болничко лекување.

„Има многу такви случаи во коишто има влошување на состојбата во домашни услови, има влошување на состојбата и додека се пациентите во болница. Мора да знаат сите дека и најмало влошување треба да се земе крајно сериозно, треба да е сигнал за да се хоспитализира пациентот“, изјави Филипче.

Би можело да ве интересира

По Скопје, најмногу активни случаи на Ковид-19 има во Тетово и Куманово

А1он

15 починати од Ковид-19, 173 новозаразени

А1он

Милошоски со втор негативен тест на Ковид-19

Ана Ололовска

За отворањето на границите нема политика, клучен критериум е епидемиолошката слика

Ана Ололовска

Комисијата за заразни болести ќе разговара за евентуално повторно воведување режим со границите на Србија и Косово

Ана Ололовска

МВР: Санкционирани 461 лице за неносење заштитна маска во изминатото деноноќие

Ана Ололовска